SURETUL KAFIRUN

SUREJA E JOBESIMTARËVE

Mekkase, ka 6 ajete.

1 Kul ja ejjuhel kafirun
2 La a'budu ma ta'budun
3 We la entum abidune ma a'bud
4 We la ene 'abidun ma 'abedtum 
5 We la entum 'abidune ma a'bud
6 Le kum dinukum we lije din


1 Thuaj: O ju jobesimtarë
2 Unë nuk adhuroj atë që ju adhuroni
3 As ju mnuk jeni adhurues të Atij që unë adhuroj
4 Dhe unë kurrë nuk do të jem adhurues I asaj që ju adhuroni
5 Por edhe ju nuk do të jeni adhurues të Atij që unë adhuroj
6 Ju keni fenë tuaj e unë kam fenë time


Shkaku i zbritjes:

Tregohet se Pejgamberit alejhisselam i erdhën disa nga paria e Mekkes dhe kërkuan nga ai që të arrijnë një marrëveshje me të cilën do të arrihej një kompromis ku një vjet do t'i adhuronte Pejgamberi alejhisselam Zotërat e tyre kurse vitin tjetër ata do ta adhuronin Zotin e Muhammedit alejhisselam. Me këtë rast All-llahu zbriti këtë sure dhe urdhëroi Të zgjedhurin e Tij që të distancohet krejtësisht nga kërkesa e tyre kështuqë ai u tha atyre: 'Unë nuk adhuroj atë që ju adhuroni. As ju nuk jeni adhurues të Atij që unë e adhuroj'.

Vlera e sures

Në sahihun e Muslimit është vërtetuar se I dërguari alejhisselam e ka lexuar suren kafirun dhe ihlasin në dy rekatet e namazit pas tavafit. Poashtu në Muslim tregohet se I ka lexuar në sunnetet e sabahut. Në sunenin e Imam Ahmedit thuhet se I ka lexuar në dy rekatet e sunnetit sabahut nga njëzet e disa herë ose mbi dhjetë herë. Taberaniu tregon se I dërguari ka thënë: Kur të shtrihesh për në shtrat para se të biesh thuaj kul ja ejjuhel kafirun deri në fund ngase ajo është pastrim prej shirkut. Kurse në një transmetim tjetër thuhet se ai ka thënë Kul ja ejjuhel kafirun vlen sa çereku I Kur'anit.

Domethënia e sures

1 Nga shkaku I zbritjes së kësaj sure kuptojmë se sa ishin naiv jobesimtarët kur kërkuan marrëveshje me Pejgamberin alejhisselam ngase me atë propozim ose ata e shprehën injorancëne tyre ndaj Islamit ose donin që ta mashtronin Pejgamberin alejhisselam në mënyrë që ai t'a zbatojë marrëveshjen kurse ata ta thejnë. Por kjo u shkoi huq.

2 All-llahu në këtë sure u tha jobesimtarëve se ata kurr nuk do ta adhuronin atë që e adhuron Muhammedi por as ai kurrë nuk do ta adhurojë atë që ata adhurojnë. Ata kanë fenë e tyre kurse edhe Muhammedi ka fenë e tij. Me këtë deklaratë imam Shafiu argumenton se kufri është një popull dhe një besim në kuptimin islam. Kjo sepse për islamin çdo fe është e njëjtë për sa I përket pavlefshmërisë dhe devijjimit të tyre. E vërteta është një dhe asnjëherë nuk mundtë jetë dy e ku më më tepër.